erkjennelsen

Doajvvuv 40-jage gássjelisvuohta lij boahtemin. Lidjiv sirádam, mujna lij ådå iellemguojmme, doajmmiv nievret bargon, måskostiv, balo lassánin, seksuálalasj aktijvuohta lij nievrre; gal dille sihkarit buorrán. Dálkkasa ettjin viehkeda, ettjin ga alternatijvalasj sujttovuoge majt iellemguojmmám oattjoj muv gæhttjalit. Muhtem iehketbiejve, gå lidjiv ságastimen buorre ja jiermmás rádnajn, de badjánin miellaj vuostasj sieldes mujto. Ållu hæhkkat. Dát muv garrasit tjaskaj. De vijmak gávnniv tjielggidusáv. Ja de máhttiv vas válldegoahtet stivrrimav.

Mån lav ålles bajássjaddamav diehtám divna illastimij birra mánnán, valla esski 37-jagágin, ja sierraláhkáj dalloj gå sjaddiv áhttjen tjáppa báhttjaj, ájádusá vájvedahtjin muv ålov. Áhttjen sjaddat båvtij mujtojt, ja maŋŋela gå æddnám gieres lij bessam ráffáj moadda jagij maŋŋela vaháguvvamij skihpudagá diehti ja psyhkalasj helvida diehti, de lij ájgge barggagoahtet iehtjam gássjelisvuodaj, majt lidjiv vargga ålles birrasis tjiegadam.

Diehtiv juojddá lij boasstot, valla ittjiv diede mij lij. 30 jage vássin åvddål dádjadiv. Mujna lij barggo sujttodåjman, akti juogostjåhkanimen árvvalattajma dáhpádusáv mij guoskaj råhtsatjimev báhtjas. Hæhkkat dádjadahtjiv, dási lidjiv ham iesj vaháguvvam! Danna ja dalloj muv sujttoprosæssa álgij.